መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc.org.et/site/components/com_gk2_photoslide/images/thumbm/590538kidste_mariam.jpg http://www.addisababa.eotc.org.et/site/components/com_gk2_photoslide/images/thumbm/895720giorgis.jpg http://www.addisababa.eotc.org.et/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc.org.et/site/components/com_gk2_photoslide/images/thumbm/683566trinity.jpg http://www.addisababa.eotc.org.et/site/components/com_gk2_photoslide/images/thumbm/821897entoto_mariam.jpg http://www.addisababa.eotc.org.et/site/components/com_gk2_photoslide/images/thumbm/310283meskaye_1.jpg http://www.addisababa.eotc.org.et/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc.org.et/site/components/com_gk2_photoslide/images/thumbm/578084urael.jpg http://www.addisababa.eotc.org.et/site/components/com_gk2_photoslide/images/thumbm/812647gebrie_gedam.jpg http://www.addisababa.eotc.org.et/site/components/com_gk2_photoslide/images/thumbm/681179raguel.jpg
የብፁዕ ወቅዱስ አቡነ ማትያስ ቀዳማዊ ፓትርያርክ ዘኢትዮጵያ 4ኛ ዓመት በዓለ ሢመት በታላቅ ድምቀት ተከበረ!!

390

ስድስተኛው የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ የሆኑት የብፁዕ ወቅዱስ አቡነ ማትያስ ቀዳማዊ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት 4ኛ ዓመት በዓለ ሢመት የካቲት 24 ቀን 2009 ዓ.ም ብፁዓን ሊቃነ ጳጳሳት፣ የፕሬዝዳንት ዶክተር ሙላቱ ተሾመ ባለቤት ወ/ሮ መዓዛ፣ ከፍተኛ የመንግሥት ባለሥልጣናት፣ የተለያዩ አህጉር አምባሳደሮች፣ የሃይማኖት መሪዎች፣ የጠቅላይ ቤተ ክህነት የየመምሪያ ኃላፊዎች፣ የመንፈሳውያን ኮሌጆች ተወካዮች፣ የአዲስ አበባ ሀገረ ስብከት ዋና ሥራ አስኪጅ መምህር ጎይቶኦም ያይኑ፣ የአዲስ አበባ ሀገረ ስብከቱ የክፍል ኃላፊዎች፣ የሰባቱ ክፍላተ ከተማ ቤተ ክህነት ተወካዮች፣ የአዲስ አበባ ገዳማትና አድባራት የሥራ ኃላፊዎች፣ የአዲስ አበባ ከተማ ገዳማትና አድባራት የሰንበት ተማሪዎች በተገኙበት በመንበረ ጸባዖት ቅድስት ሥላሴ ካቴድራል በላቀ ድምቀት ተከብሯል፡፡
በበዓሉ መርሐ ግብር ወቅት የደብረ ምጥማቅ ሰዓሊተ ምሕረት ቅድስት ማርያም ካቴድራል ሊቃውንት፣ የአጫብር ዜማ ምሁራንና የሰንበት ት/ቤቶች ወጣቶች በዓለ ሢመቱን የተመለከተ ያሬዳዊ ዜማ አቅርበዋል፤ በመልአከ ብርሃን ፍስሐ ጌታነህ ቅኔያት ቀርበዋል፡፡
በመቀጠልም የመንበረ ፓትርያርክ ጠቅላይ ቤተ ክህነት ዋና ሥራ አስኪያጅና በክልል ትግራይ ደቡባዊ ዞን ማይጨው፤ ደቡባዊ ምሥራቅ ትግራይና የምሥራቃዊ ዞን አዲግራት አህጉረ ስብከት ሊቀ ጳጳስ ብፁዕ አቡነ ዲዮስቆሮስ በዓለ ሢመቱን አስመልክተው ባስተላለፉት መልእክት
…ዛሬ በዚህ ቤተ መቅደስ ኦርቶዶክሳዊ ሥርዓትና ትውፊትን በጠበቀ መልኩ እያከበርነው ያለው የብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት 4ኛ ዓመት በዓለ ሢመት የቤተ ክርስቲያናችን በዓል መሆኑ ግልጽ ነው፤ አምላካችን ኢየሱስ ክርስቶስ “ብዙ ነቢያትና ነገሥታት እናንተ የምታዩትን ሊያዩ ተመኙ÷ አላዩምም፤ እናንተ የምሰሙትንም ሊሰሙ ተመኙ÷ አልሰሙም” (ሉቃ10÷24) እንዳለ፤ ብዙዎች አባቶቻችን ይህን ክብር ሊያዩ ተመኝተው ዐረፍተ ዘመን ስለገታቸው ለማየት  አልቻሉም፤ እኛ ግን ይህን ለማየት በቅተናል፡፡ 
ኦርቶዶክሳዊት ቤተ ክርስቲያናችን በራሷ ልጆች የራሷን መንፈሳዊ አስተዳደር መምራት እንድትችል ለማብቃት ብዙ መሥዋዕትነት የከፈሉና ብዙ ጥረት ያደረጉ አባቶቻችን ቅዱሳን ነገሥታት፣ ካህናትና ምእመናን ለዚህ በዓል መሠረት ጥለው አልፈውልናልና ሊታወሱና ሊመሰገኑ ይገባቸዋል፡፡
እነርሱ በጣሉት መሠረት ላይም አሁን ያለነው የቤተ ክርስቲያን አባቶችና ምእመናንም የቤተ ክርስቲያናችን እምነት፣ ታሪክና ሥርዐተ አምልኮት እንዲሁም ሁለንተናዊ፣ መንፈሳዊና ማኅበራዊ ዕድገትና ልማት አስፋፍቶ የመሥራት፣ የመጠበቅና የማስጠበቅ ኃላፊነት አለብን፡፡ በአጠቃላይ በዚህ ወቅት በቤተ ክርስቲያናችን የሚታየው እድገት ብዙና ከፍተኛ ሲሆን በአንጻሩም ለዚህ ዕድገት ዕንቅፋት የሚፈጥሩ ቢጸሐሳውያን መታየታቸው አልቀረም፡፡ በመሆኑም የእነዚህ ቢጸሐሳውያን የሐሰት ትምህርት ለመግታት ቤተ ክርስቲያናችን እምነቷን፣ ታሪኳንና ሥርዐተ አምልኮቷን ጠብቃ ወይም አስፋፍታ ህልውናዋን እንድትጠብቅ ካህናት በትምህርተ ወንጌል ምእመናንን በሥነ ምግባርና በጽንዐ ሃይማኖት ማስታጠቅ ይጠበቅብናል፡፡ ለዚህም የቤተ ክተርስቲናችን የትምህርት ተቋማት ማለትም መንፈሳውያን ኮሌጆቻችን የሚያሰለጥኗቸውን ካህናት በጥራትና በብቃት እንዲያሰለጥኑ መምህራኑን ማበረታታትና ክትትል ማድረግ ይጠይቃል፡፡
ይህንንም ሁሉ በተሟላ ሁኔታ ለመፈጸም ሰላም በዓለም፣ ሰላም በሀገር እንዲሰፍን ቤተ ክርስቲያናችን በነግህና በሠርክ፣ በመዓልትና በሌሊት “ሰላም ለአኀዊነ ወተፋቅሮ ምስለ ሃይማኖት እምኀበ እግዚአብሔር አቡነ ወእግዚእነ ኢየሱስ ክርስቶስ- ለወንድሞቻችን ከአባታችን ከእግዚአብሔር አብ ዘንድ ከሃይማኖት ሰላምና ፍቅር ይብዛላችሁ” (ኤፌ.6÷23) በማለት አዘውትራ ታስተምራለች፡፡
ይህም ሰላም የእግአብሔር ቃል የእግዚአብሔር ትእዛዝ ስለሆነ ሁሉም ሊቀበለውና ሊያከብረው ይገባል፡፡ “አፀምዕ ዘይነብበኒ እግዚአብሔር አምላኪየ እስመ ይነብብ ሰላመ ላዕለ ሕዝቡ ላዕለ ጻድቃኑ ወላዕለ እለ ይመይጡ ልቦሙ ኅቤሁ- እግዚአብሔር አምላክ የሚናገረውን እሰማለሁ÷ ሰላምን ለሕዝቡና ለቅዱሳኑ ልባቸውንም ወደ እርሱ ለሚመልሱ ይናገራልና” (መዝ.24÷8)፡፡  በመጨረሻም ብፁዕ ወቅዱስ ሆይ! የሰላም አምላክ እግዚአብሔር እንኳን ለ4ኛው ዓመት በዓለ ሢመትዎ በሰላም አደረስዎ በማለት በቤተ ክርስቲያናችን ካህናትና ምእመናን እንዲሁም በራሴ ስም መልካም ምኞቴን እገልጻለሁ፤ መጪው ጊዜም የተሳካ የአግልግሎት ዘመን እንዲሆንልዎ እመኛለሁ በማለት አብራርተዋል፡፡

በመጨረሻም ብፁዕ ወቅዱስ ፓትርያርኩ ባስተላለፉት ቃለ ምዕዳንና አባታዊ ትምህርት በዓለ ሢመተ ክህነታችን የግብረ ክህነት አገልግሎታችን፣ የግብረ ኖሎት ጥበቃችን  የስብከተ ወንጌል ተልእኮአችን በንዋየ ቤተ እግዚአብሔር ያለው አያያዛችን ምን ይመስላል? በምን ደረጃስ ይገኛል? የሚለው ቆም ብለን የምናስብበትና የምናስተካክልበት ቀን እንጂ የአንድ ርእሰ ቤተ ክርስቲያን በዓለ ሢመት የምንተርክበት ቀን ብቻ ሊሆን አይገባም፡፡
ከሁሉም በላይ ደግሞ የእግዚአብሔር በጎች የሆኑ ምእመናን በልዩ ልዩ ምክንያት በባዕዳን እንዳይነጠቁ ከምን ግዜም ነቅተን የምንጠብቅበትና በዚህም ቃል የምንገባበት ዕለት ሊሆን ይገባል፡፡
እኛ ሥዩማነ ቤተ ክርስቲያን የተሾምነው በመእመናንና በምእመናት ላይ እንደሆነ አንረሳውም፤ የህልውናችን ዋስትናም ከእግዚአብሔር ቀጥለው እነርሱ መሆናቸውን አንዘነጋውም፤ ሐቁ ይህ እስከሆነ ድረስ እኛ ካህናት ለእግዚአብሔርና ለምእመናን የማንከፍለው መሥዋዕትነት ሊኖር  አይገባም፤ ምእመናንን በተለይም  ሃይማኖት ተረካቢው ወጣቱ ትውልድን እንደ እግዚአብሔር  ቃል ተንከባክበን ካልያዝን የነገ ቀጣይነት ጥያቄ ላይ እንደሚወድቅ ልብ እንበል፤ ምእመናንን የመጠበቅና እግዚአብሔርን የማገልገል ኃላፊነታችን ዘርፈ ብዙ እንደሆነም አንዘንጋው፤ እግዚአብሔር የሥጋም የነፍስም አምላክ እንደመሆኑ መጠን ምእመናን በጎቹም በሥጋቸውም ሆነ በነፍሳቸው እንዲጠበቁ አዟል፤ ለምእመናን ሲል ደሙን ያፈሰሰ አምላክ ምእመናን በሥጋቸውም ሆነ በነፍሳቸው እንዲለሙ እንዲበለጽጉና እንዲያድጉ ይፈልጋል፤ እኛ ሥዩማነ እግዚአብሔር የሆን ካህናት ምእመናንን በሥጋዊ ሕይወታቸው የሰላም ኃይሎችና የልማት አርበኞች ሆነው ራሳቸውንና ሀገራቸውን እንዲሳድጉ፣ የጥንካሬአቸው ዋስትና አንድነት፣ ፍቅር ወንድማማችነት ብቻ መሆኑን እንዲገነዘቡ፣ መለያየት፣ መቃቃር፣ አለመተማንና ቅራኔ የውደቀትና የድክመት ጉዞ እንደሆነ እንዲረዱ አበክረን ልናስተምርና ልናሳምን ይገባል፡፡
በሌላ በኩል ምእመናን በተለይም ወጣቱ ትውልድ ሥጋዊ ልማትን ብቻ እያየ በሥጋዊ ምኞትና ፍላጎት በመሸነፍ (በሴኩላሪዝም)፣ በባህል ወረራና በቅይጥ ሃይማኖት በመባዘን  (በግሎባሌይዜሽን) በስመ ነጻነት ልቅ በሆነ አስተሳሰብ አኗኗር በመዝቀጥ (በሊበራሊዝም) ተጠራርጎ እንዳይጠፋ ቅዱስ ወንጌልን በትክክል ከማስተማር ጋር በቃላችንም ሆነ በሥራችን ምእመናንን የምንስብና የምንወደድ ሥዩማን መሆን ይገባናል፡፡
ይህንን ሁሉ የምናውቅና በሥራ የምንተረጒም ሆነን ስንገኝ እውነትም ጌታ በቤቱ ንብረት ሁሉ ላይ የሾመን ታማኝና ደጋግ አገልጋዮች ነን ማለት ነው፡፡
ስለዚህ የሚወደን የሚያከብረንና የሚንከባከበን ክርስቲያኑ ሕዝባችን ስለ እግዚብሔር ቃልና ለስራሳችን ስንል ያለምንም እንከን በታማኝነትና በደግነት እንድናስተምር፣ እንድናገለግልና እንድንጠብቅ አደራ ጭምር መልእክታችንን በእግዚአብሔር ስም እናስተላልፋለን በማለት የማጠቃለያውን አባታዊ መልእክት በማስተላለፍ የበዓሉ ፍጻሜ ሆኗል፡፡

 
የየካ ክፍለ ከተማ ቤተ ክህነት በበጀት ዓመቱ ባስመዘገበው የልማት ስኬት የሽልማት መርሐ ግብር አካሄደ!!

0176

በአዲስ አበባ ሀገረ ስብከት የየካ ክፍለ ከተማ ቤተ ክህነት በ2009 ዓ.ም የበጀት ዓመት በፐርሰንት ክፍያ ዕድገት፣ በአብያተ ክርስቲያናት መስፋፋት እና በመልካም አስተዳደር ከፍተኛ ዕድገት ያስመዘገበ በመሆኑ ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት፣ ብፁዓን አበው ሊቃነ ጳጳሳት፣ የጠቅላይ ቤተ ክህነት የየመምሪያ ኃላፊዎች፣ የአዲስ አበባ ሀገረ ስብከት ዋና ሥራ አስኪያጅ መምህር ጎይቶኦም ያይኑ፣ የየካ ክፍለ ከተማ የሥራ ኃላፊዎችና የጸጥታ ኃይሎች፣ የየካ ክፍለ ከተማ ቤተ ክህነት የሥራ ኃላፊዎችና የክፍለ ከተማው አብያተ ክርስቲያናት ተወካዮች  በተገኙበት አርብ የካቲት 17 ቀን 2009 ዓ.ም  በመንበረ ፓትርያርክ ጽ/ቤት የመሠብሰቢያ አዳራሽ የሽልማቱ ሥነ ሥርዓት ተከናውኗል፡፡
የክፍለ ከተማው ቤተ ክህነት ሥራ አስኪያጅ መልአከ ገነት ቀሲስ ሙሴ ዘነበ፣ በመርሐ ግብሩ ወቅት ባስተላለፉት የመክፈቻ መልእክት የክፍለ ከተማው ቤተ ክህነት በ2009 ዓ.ም ግማሽ የበጀት ዓመት ከስምንት ያላነሱ አዳዲስ አብያተ ክርስቲያናት ተተክለዋል፡፡
የፐርሰንት ክፍያው ከዕጥፍ በላይ እያደገ ይገኛል፡፡ ከክፍለ ከተማው መስተዳደርና ከጸጥታ ኃይሎች ጋር በመተባበር በክፍለ ከተማው የመሠረተ ልማትና የሰላም ማስፈን ሥራ ተሠርቷል፡፡
በዘንድሮው 2009 ዓ.ም የጥምቀት በዓል አከባበርን አስመልክቶ የሁሉም አብያተ ክርስቲየናት ታቦታት ወደ ጥምቀተ ባህሩ በመጓዝ በዓሉ በሰላምና በደማቅ ሁኔታ ተከብሯል፡፡
ይህንኑ ምክንያት በማድረግ የክፍለ ከተማው ቤተ ክህነት አጠቃላይ የሥራዎቹን ስኬት አስመልክቶ ለሁሉም ባለድርሻ አካላት የማበረታቻ ሽልማት ያዘጋጀ መሆኑን መልአከ ገነት ቀሲስ ሙሴ ዘነበ ካብራሩ በኋላ የሽልማቱ መርሐ ግብር በብፁዕ ወቅዱስ ፓትርያርኩ እጅ ተከናውኗል፡፡
በመጨረሻም ብፁዕ ወቅዱስ ፓትርያርኩ በየካ ክፍለ ከተማ ቤተ ክህነት የተከናወኑትን የመሠረተ ልማትና የመልካም አስተዳደር ሥራዎች አስመልክተው ባስተላለፉት አባታዊ መልእክት “ይደልዎ አስቦ ለዘይትቀነይ” ለሚአገለግል ዋጋው ይገባዋል፡፡ (ማቴ 10)
አሁን የተሰጠው የዕውቅና ሽልማት ለሠራችሁትና ላበረከታችሁት አገልግሎት ዋጋ ነው፡፡ የፖሊስ ኮሚሽነሮችም በሰላሙ ረገድ ላደረጉት ዕገዛና በጠቅላላ በጸጥታው ዙሪያ ላበረከታችሁት የላቀ አስተዋጽኦ የክፍለ ከተማው ጽ/ቤት ዛሬ ሽልማት ተሰጥቷችኋል፡፡ ምክንያቱም መልካም ላደረገ ሁሉ ዕውቅና መስጠቱ ተገቢ ነው፡፡
በመንፈሳዊ ተግባር ጸጥታውን ከማስከበርም በተጨማሪ ቤተ ክርስቲያን በዓመት በዓመት ከምታከብራቸው ዓበይት በዓላት አንዱ የሆነውን በዓለ ጥምቀትን በማክበር፣ ለቤተ ክርስቲያናችን መስፋፋት ተጨማሪ ቦታ እንዲገኝ በማድረግ፣ ጸጥታውን በማስከበርና በዓሉም በሰላማዊ ሁኔታ እንዲከበር በማድረግ በየበዓላቱ ለምታደርጉት የሰላምና የጸጥታ ማስከበር ሥራ ዋጋችሁን እግዚአብሔር አምላክ አስፍቶ እንዲሰጣችሁ እንጸልያለን፡፡ የሃይማኖቱ ባለ ድርሻዎች በመሆናችሁ ትብብራችሁ ምን ጊዜም ቢሆን እንዳይለየን አደራ እላለሁ፡፡
ቤተ ክርስቲያን የራሷ የሆነ መንፈሳዊ አገልግሎት አላት፡፡ ስለ ሀገር ሰላም፣ ስለ ፍቅር፣ ስለ አንድነት በመጸለይና በቀኖናዋም መሠረት ለምዕመናን መንፈሳዊ አገልግሎት የምታበረክት ናት፡፡
ይህንን መልካም ሥራዋን ሁሉም ሊአውቅላት ይገባል፡፡ መንግሥት በድርሻው ሀገርን  የመጠበቅ አገልግሎት ይሰጣል፡፡ ቤተ ክርስቲያን ደግሞ በመንፈሳዊ ሥራዋ ለሀገር ሰላም ትጸልያለች፣ ታጠምቃለች፣ ታቆርባለች፡፡
ቤተ ክርስቲያናችን ጥንታዊት፣ ታሪካዊት፣ ዓለም አቀፋዊ ናት፡፡ ስለዚህ ለኢትዮጵያ ኦርቶዶክስ  ተዋሕዶ ቤተ ክርስቲያን የተለየ ክብር ይገባታል፡፡ ቤተ ክርስቲያንዋ እስከ አሁን ድረስ ያቆየችው ታሪክና ወደ ፊትም ለቀጣዩ  ትውልድ  የምትሰጠው አገልግሎት ሰፊ ነው፡፡ አብያተ ክርስቲያናትን በማስፋፋት የተጋችሁ የቤተ ክርስቲያን አገልጋዮችም ከስምንት ያላነሱ አብያተ ክርስቲያናትን በመሥራት የኢትዮጵያ ኦርቶዶክስ ተዋሕዶ ቤተ ክርስቲያን ተጨማሪ መንፈሳዊ ሀብት እንዲኖራት በማድረግ የማስተባበሩን ሥራ፣ በመሥራታችሁ ልትመሰገኑ ይገባችኋል፡፡
የክፍለ ከተማው ቤተ ክህነት ኃላፊ የሆኑት ቀሲስ መልአከ ገነት ሙሴ ዘነበ፣ ትጉህ አገልጋይና ዕውቀትም ያላቸው ስለሆኑ ይህንን ሥራ በማስተባበር ሥራው እንዲከናውን በማድረግና በሥራው ለተሳተፉ ወንድሞች ይገባቸዋል በማለት ይህንን የሽልማት ሥራ በማከናወናቸው ሊመሰገኑ ይገባቸዋል፡፡ ለወደፊቱም ለሚሰጡት አገልግሎት እግዚአብሔር አምላክ እንዲረዳቸው እንጸልያለን፡፡
የአዲስ አበባ ሀገረ ስብከት ዋና ሥራ አስኪያጅ መምህር ጎይቶም ያይቶ በማስተባበር፣ ለክፍለ ከተማ ቤተ ክህነት አስፈላጊውን ዕገዛ በማድረግ ባጠቃላይ ለመላው ሕዝብ ክርስቲያን ተገቢውን አገልግሎት በመስጠት ባበረከቱት አገልግሎት ሊመሰገኑ ይገባቸዋል፡፡ ወደፊትም ይህ አገልግሎት ተጠናክሮ እንዲቀጥል እንፈልጋለን፡፡
ከሁሉም በላይ ሰላም፣ ፍቅርና አንድነት እንዲሰፍን፣ ጭቅጭቅና ንትርክ መፍጠር፣ አድማና ያልሆነ ወሬ ማስወራት ኃጢአት ስለሆነ በዚህ ተግባር ላይ ተሠማርተው አሉባልታ የሚአናፍሱ ሰዎች ሊታገሡ ይገባቸዋል፡፡ ምን አልባት ጥሩ የሠራን መስሏቸው ከሆነ ድርጊቱ እነርሱንም ሆነ ቤተ ክርስቲያንን እየጎዳ ያለ ስለሆነ ከዚህ መጥፎ ድርጊት ሊታቀቡ ይገባቸዋል፡፡
ይህንን መጥፎ ሥራ የሚሠሩትን ወገኖች መምከር፣ ማስተማርና ማስረዳት ያስፈልጋል፡፡ ቤተ ክርስቲያን የምታስተምረው ትህትናን፣ ፍቅርንና አንድነትን ነው፡፡ በጾምና በሱባኤ ወቅት ወደ ቤተ ክርስቲያን እየመጡ ሰላማዊውን ህዝብ እስከማወክ የደረሱም አሉ፡፡
በተለይ አገልደጋዮች በጾሙ ለምዕመናን ተገቢውን አገልግሎት በመስጠት ፈንታ ኃላፊነታቸውን ዘንግተው ከባድ ችግር እንዳጋጠማቸው በማስመሰል በሱባኤው ቤተ ክርስቲያን እየሄዱና እየጮኹ ማስቸገራቸው ተገቢ ስላልሆነ ለወደፊቱ አእምሮ እንዲገዙ ቢመከሩ የተሻለ ነው፡፡ እንዲህ አይነቱ ድርጊት ከቤተ ክርስቲያን አገልጋዮችና ከመንፈሳዊ ሰዎች አይጠበቅም በማለት ብፁዕ ወቅዱስ ፓትርያርኩ ሰፋ ያለ አባታዊ ትምህርትና መመሪያ ሰጥተዋል፡፡

 
ብፁዕ ወቅዱስ አቡነ ማትያስ ቀዳማዊ ፓትርያርክ የ2009 ዓ.ም ዓቢይ ጾምን አስመልክተው መልእክት አስተላለፉ

pp009

ቃለ በረከት ዘብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ዘተናገረ በእንተ በአተ ጾም ዓቢይ ዘእግዚእነ ወአምላክነ ወመድኃኒነ ኢየሱስ ክርስቶስ ዘዕሥራ ምእት ወተስዐቱ ዓመተ ምሕረት
በስመ አብ ወወልድ ወመንፈስ ቅዱስ አሐዱ አምላክ አሜን
በሀገር ውስጥና በመላው ክፍላተ ዓለም የምትገኙ የእግዚአብሔር ቤተ ሰቦች ኢትዮጵያውያንና ኢትዮጵያውያት በሙሉ
ፍጥረቱን በምሕረት፣ በይቅርታና በርኅራኄ የሚጠብቅ፣ የሚመግብና የሚያስተዳድር፣ ከሁሉ በላይ የሆነ ኃያሉ አምላካችን እግዚአብሔር እንኳን ለሁለት ሺሕ ዘጠኝ ዓመተ ምሕረት መዋዕለ ጾም ዓቢይ በሰላም አደረሳችሁ!!
“ቅረቡ ኀቤሁ ወያበርህ ለክሙ፣ ወኢይትኃፈር ገጽክሙ፤ ወደ እርሱ ቅረቡ ያበራላችኋልም፤ ፊታችሁም አያፍርም”፡፡ (መዝ 34፡5)
የሰው ልጅ ከዐራቱ ባህርያተ ፍጥረት በተገኘ ሥጋዊ ሕይወቱ፣ የዐራቱ ባሕርያት ውጤት የሆኑትን ማለትም እህልን ውሀን፣ ነፋስንና እሳትን የመሻት ፍላጎቱ የላቀ እንደሆነ ሁሉ፣ ከእግዚአብሔር በተገኘ መንፈሳዊ ሕይወቱም እግዚአብሔርን የመሻት ፍላጎቱ ከፍተኛ ነው፤
ከእግዚአብሔር የተገኘው ይህ ሀብተ ተፈጥሮ ከሰው ባህርይ መለየት የማይቻል በመሆኑ ሰብአዊ ፍጡር ሁሉ ከፈጣሪው ጋር ግንኙነት ለማድረግ ይጓጓል፡፡
ሰው ወደ ፈጣሪው ለመቅረብ ከሚፈልገው በላይ፣ ፈጣሪም ሰውን በእጅጉ ሊቀርበውና ማደርያው ሊያደርገው ይፈልጋል፤ በመሆኑም ሁለቱም ተፈላላጊ መሆናቸውን በሕገ ተፈጥሮም ሆነ በቅዱስ መጽሐፍ የታወቀ ነው፡፡
ይሁን እንጂ ሁለቱም እንዳይቀራረቡ የሚያደርጉ መሠረታውያን ነገሮች እንዳሉ ሁሉ እንዲቀራረቡ የሚያደርጓቸውም አሉ፤ ሁለቱንም ሊያቀራርቡ ከሚችሉት መካከል አንዱ ጾም ነው፡፡
እግዚአብሔር በሁለመናው ንጹሕ ቅዱስ ፍጹምና ክቡር በመሆኑ ለባህርዩ ከማይስማሙ ድርጊቶችና ከአድራጊዎቻቸው ጋር ግንኙነት ሊያደርግ አይፈቅድም፤
ሆኖም ንሥሐ ሲገቡና ጥፋታቸውን አምነው ሲፀፀቱ በይቅርታ የሚቀበል ርኅሩኅ መሐሪና ይቅር ባይ አምላክ ነው፤
ከዚህ አኳያ በሰውና በእግዚአብሔር መካከል የሚፈጠረውን ክፍተት ለማጥበብ ብሎም ለመዝጋት ንሥሐ ጾምና ጸሎት ቊልፍ መሣሪዎች ናቸው፤ እኛ ክርስቲያኖችም ጾምን የምንጾምበት ዋና ምክንያት ይኸው ነው፡፡
የተወደዳችሁ የመንፈስ ቅዱስ ልጆቻችን ምእመናንና ምእመናት
ወደ እግዚአብሔር ለመቅረብ መንፈሳዊ ኃይል ያስፈልጋል፤ መንፈሳዊ ኃይል የሚገኘው ደግሞ ሥጋዊ ኃይል ሲገታ ነው፡፡ ጾም ይህንን በማድረግ ከፍተኛ ሚና ይጫወታል፡፡
ጾም ኃይለ ሥጋን በመግራት ኃይለ መንፈስ እንዲበረታ  ያደርጋል፣ ጾም ራሳችንን ዝቅ አድርገን ለእግዚአብሔር እንድንገዛና ለቃሉ ታዛዥ እንድንሆን ያስችለናል፤ ጾም ሰከን ብለን ስለበደላችን እንድናስብና ለንሥሐ እንድንፈጥን ያደርገናል፣ ጾም የእግዚአብሔርን ቸርነት በማሰብ ፍቅሩን እንድናውቅና እንድናመልከው፣ ለሰውም ጥሩ የሆነውን ብቻ እንድናስብ ያደርገናል፡፡
እነዚህ ነገሮች በሕይወታችን ውስጥ ሥርፀት ሲያገኙ ወደ እግዚአብሔር የመቅረቡና የመገናኘቱ ዕድል ሰፊ ይሆናል፡፡ በዚህ ሕይወት ውስጥ ሆነን ስለምንሻው ነገር እግዚአብሔርን ብንጠይቅ መልሱ ፈጣን ይሆናል፤ ከዚህ አንጻር የነነዌ ጾም ያስገኘው ፈጣን መልስ ማስረጃችን ነው፤ በጾም ኃይል አማካኝነት ከፈጣሪ ጋር የተገናኙ እነ ሊቀ ነቢያት ሙሴ፣ ነቢዩ ዳንኤልና ዕዝራም በዚህ ተጠቃሽ መምህሮቻችን ናቸው፡፡
ርኩስ መንፈስን ድል ለማድረግ፣ ሊጀመር የታሰበውን ዓቢይ ተግባር በስኬት ለማጠናቀቅ በጾም ረድኤተ እግዚአብሔርን መጠየቅ አስፈላጊ መሆኑን ጌታችን አምላካችንና መድኃኒታችን ኢየሱስ ክርስቶስ በተገባርና በትምህርት አሳይቶናል፡፡
ቅዱሳን ሐዋርያትም ይህንን በተግባርና በትምህርት ፈጽመውታል፤ ከዚህ አኳያ ጾምና ሃይማኖት የማይለያዩ የአንድ ሣንቲም ሁለት ገጽታዎች መሆናቸውን መገንዘብ አያዳግትም፡፡
በመሆኑም ጾም ራሳችንን ለመቆጣጠር፣ የእግዚአብሔር ታዛዥ ለመሆን፤ ለጥያቄአችን ፈጣን መልስ ለማግኘት፤ ርኩስ መንፈስን ድል ለማድረግ፤ ከእግዚአብሔር ጋር ለመገናኘት የሚያገለግለን ሃይማኖታዊና መንፈሳዊ መሣሪያ ነው፡፡
የተወደዳችሁ የመንፈስ ቅዱስ ልጆቻችን ምእመናን ወምእመናት
የጾም አስፈላጊነትና ውጤታማነት ከጥንት ጀምሮ በነቢያትና በሐዋርያት የታወቀ፣ ከሁሉ በላይ ደግሞ እግዚአብሔር ራሱ “በፍጹም ልባችሁ፣ በጾም፣ በልቅሶና በዋይታ ወደ እኔ ተመለሱ፣ ልባችሁን እንጂ ልብሳችሁን አትቅደዱ፤ አምላካችሁ እግዚአብሔር ቸርና መሐሪ ነው፤ ቁጣው የዘገየ ምሕረቱ የበዛ ለክፋትም የተጸጸተ ነውና ወደ እርሱ ተመለሱ፤ በጽዮን መለከትን ንፉ፤ ጾምንም ቀድሱ (ለዩ) ጉባኤውንም አውጁ፤ ሕዝቡንም አከማቹ፤ ማኅበሩንም ቀድሱ” ብሎ ጾምን በአዋጅ እንድንጾም አዞናል፤(ኢዩ 2፡12-18)፡፡
ጌታችን ኢየሱስ ክርስቶስም ርኩስ መንፈስ ሊሸነፍና ድል ሊሆን የሚችለው በጾምና በጸሎት እንደሆነ አስረግጦ አስተምሮናል፤(ማቴ 17 ፡ 14-21)
ይሁንና ጾም በእግዚአብሔር ዘንድ ዋጋም፣ መልስም፣ ኃይልም ሊያሰጥ የሚችለው እንደ እግዚአብሔር ፈቃድ ማለትም እግዚአብሔር ባዘዘው ትእዛዝ መሠረት ሲከናወን መሆኑን መገንዘብ ያስፈልጋል፤ እግዚአብሔር የሚፈልገው ጾም እንዴት ያለ እንደሆነ እርሱ ራሱ እንዲህ ብሎናል “እኔ የመረጥሁት ጾም ይህ አይደለምን? የበደልን እሥራት ትፈቱ ዘንድ፣ የቀንበርን ጠፍር ትለቁ ዘንድ፣ የተገፉትን አርነት ትሰዱ ዘንድ፣ ቀንበሩን ሁሉ ትሰብሩ ዘንድ አይደለምን ? እንጀራህን ለተራበ ትቆርስ ዘንድ፣ ስደተኞቹ ድሆችን ወደቤትህ ታገባ ዘንድ፣ የተራቆተውን ብታይ ታለብሰው ዘንድ፣ ከሥጋ ዘመድህ እንዳትሸሸግ አይደለምን? የዚያን ጊዜ ብርሃንህ እንደ ንጋት ያበራል ፈውስህም ፈጥኖ ይበቅላል፤ ጽድቅህም በፊትህ ይሄዳል፤ የእግዚአብሔርም ክብር በላይህ ሆኖ ይጠብቅሃል” ብሎ ፈቃዱን ነግሮናል፡፡ (ኢሳ 58 ፡ 6-8)
የተወደዳችሁ የመንፈስ ቅዱስ ልጆቻችን ምእመናንና ምእመናት
የጾም ዓቢይ ዓላማ ለእግዚአብሔር የሚታዘዝና የተሰበረን ልብ መፍጠር፣ በጾም በጸሎት በንሥሐ በስግደት በተመሰጦ፣ በአንቃዕድዎ ለእርሱ መታዘዝና መገዛት እርሱንም ማምለክ ነው፡፡
ከዚህም ጋር ጥልን በይቅርታ ማስወገድ፣ ሰላምን በማረጋገጥ ፍቅረ ቢጽን ገንዘብ ማድረግ፣ ራስን መቆጣጠርና መግዛት፣ ኃይለ ሥጋን መመከት፣ ኃይለ ነፍስን ማጎልበት፣  የእግዚአብሔርን እንጂ የሰውን አለማየት፣ የርኩሳን መናፍስትን ግፊት በመቋቋም ክፉ ምኞትን ድል ማድረግ፣ ቅዱስ ቊርባንን መቀበል፤ ኅሊናን ለእግዚአብሔር መስጠት፣ ያለንን ለነዳያን ከፍለን መመፅወት የመሳሰሉትን ሁሉ ዕለታዊ ተግባራችን በማድረግ ጾሙን ልንጾም ይገባል፡፡
በመጨረሻም
የጾም ዋና ዓላማ ለእግዚአብሔር መታዘዝ እንደ መሆኑ መጠን ምድርን እንድናበጃትና እንድናለማት ያዘዘንን ትእዛዝ ተቀብለን አካቢያችንን በማልማት ሀገራችንን ውብና ለኑሮ የተመቸች በማድረግ እንደዚሁም ከኃጢአት መከላከያዎች መካከል ዋናውና አንዱ ያለ ዕረፍት በሥራ መጠመድ ነውና ሕዝቡ ሥራ ሳይፈታ ፈጣሪውን በጾም እያመለከ፣ የተቸገረ ወገኑን ካለው ከፍሎ እየረዳ፣ ልማትንም እያፋጠነ የሀገሩን ሰላምና ፀጥታ እየጠበቀ መዋዕለ ጾሙን እንዲያሳልፍ በእግዚአብሔር ስም መልእክታችንን እናስተላልፋለን፡፡
ወርኀ ጾሙን አስፈጽሞ ለብርሃነ ትንሣኤው በሰላም ያድርሰን
እግዚአብሔር ኢትዮጵያንና ሕዝቦችዋን ይባርክ ይቀድስ
ወስብሐት ለእግዚአብሔር አሜን
አባ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያሊቀ ጳጳስ ዘአክሱም ወእጨጌ ዘመንበረ ተክለ ሃይማኖት
የካቲት ፲፫ ቀን ፳፻ወ፱ዓ.ም.
አዲስ አበባ ኢትዮጵያ

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 7 ከ 102

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ