መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc.org.et/site/components/com_gk2_photoslide/images/thumbm/590538kidste_mariam.jpg http://www.addisababa.eotc.org.et/site/components/com_gk2_photoslide/images/thumbm/895720giorgis.jpg http://www.addisababa.eotc.org.et/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc.org.et/site/components/com_gk2_photoslide/images/thumbm/683566trinity.jpg http://www.addisababa.eotc.org.et/site/components/com_gk2_photoslide/images/thumbm/821897entoto_mariam.jpg http://www.addisababa.eotc.org.et/site/components/com_gk2_photoslide/images/thumbm/310283meskaye_1.jpg http://www.addisababa.eotc.org.et/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc.org.et/site/components/com_gk2_photoslide/images/thumbm/578084urael.jpg http://www.addisababa.eotc.org.et/site/components/com_gk2_photoslide/images/thumbm/812647gebrie_gedam.jpg http://www.addisababa.eotc.org.et/site/components/com_gk2_photoslide/images/thumbm/681179raguel.jpg
የአስተዳደር በደል ደርሶብናል በሚል ቅሬታ ያቀረቡ የአብያተ ክርስቲያናት ሠራተኞች ጉዳይ በሀገረ ስብከቱ ውሳኔ እንዲፈጸም ልዩ ጽ/ቤት መመሪያ አስተላለፈ

0122

የአዲስ አበባ ሀገረ ስብከት በሚያስተዳድራቸው የአጥቢያ አብያተ ክርስቲያናት በተለያየ የሥራ መደብ ተሠማርተው ከሚሠሩት በርካታ ሠራተኞች መካከል ቁጥራቸው ከ20 የማይበልጡ ሠራተኞች የአስተዳደር በደል ደርሶብናል በሚል ለብፁዕ ወቅዱስ ፓትርያርክ ልዩ ጽ/ቤት አቤቱታ ሲያቀርቡ የቆዩ መሆኑ ይታወቃል፡፡ በመሆኑም ገዳያቸው በሀገረ ስብከቱ በኩል ተጣርቶ እንዲላክ የብፁዕ ወቅዱስ ፓትርያርክ ልዩ ጽ/ቤት ባሰተላለፈው መመሪያ መሠረት ከአዲስ አበባ ሀገረ ስብከት በቁጥር 999/546/09 በቀን 19/5/2009 ዓ.ም በተጻፈ መሸኛ ለብፁዕ ወቅዱስ ፓትርያርክ ልዩ ጽ/ቤት የተላከው ውሳኔ እንደሚገልጸው ደመወዛቸው ተቀንሶ የተዛወሩት የሁለት ዋና ጸሐፊዎች ደመወዝ እንዲስተካከል፣ በመደበኛ ፍ/ቤት ክስ የመሠረቱ ክሳቸውን ዘግተው የይቅርታ ጽሑፍ ሲያቀርቡ በሥራ እንዲመደቡ፣ ቀላልና ከባድ ጥፋት የሚታይባቸው ሌሎች ሠራተኞች አድራጎታቸው እየተመረመረ እንደ ሁኔታው ሊፈጸም የሚችል መሆኑን አብራርቶ ያስረዳል፡፡
በአጥቢያ አብያተ ክርስቲያናት ተመድበው ከሚሠሩት ሠራተኞች መካከል የአስተዳደር በደል ደርሶብናል ብለው ለብፁዕ ወቅዱስ ፓትርያርክ ልዩ ጽ/ቤት ቅሬታ ያቀረቡት ሠራተኞች፡-
ሊቀ ሥዩማን ተስፉ ደጀኔ፣ መልአከ መዊዕ በቃሉ ያለው፣ ሊቀ ሥዩማን ደነቀ ተሾመ፣ መጋቤ ሃይማኖት ስምዖን ነጋሽ፣ ርዕሰ ደብር ፍሥሐ ትኩዕ፣ መጋቤ ሥርዓት ዮሐንስ አሰሙ፣ መ/መንክራት አባ ሥምረተ አብ እሸቱ፣ ዲያቆን ጸጋዬ ካሣሁን፣ ዲያቆን ካሣሁን ደሳለኝ፣ ዲያቆን ብርሃኑ ተረፈ፣ መ/ሃ መንግሥቱ ደረሰ፣ መ/ስብሐት ዓለማየሁ አምሳል፣ ሊ/ስ ሙሉጌታ መኮንን፣ መምህር አዳም አእምሮ፣ መሪጌታ ኅሩይ ዓለማየሁ፣ መ/ር ቀለመወርቅ ተመስገን፣ ቄስ ሲሳይ ቸኮል፣ መምህር ዓቢይ ዝቢ፣ ቄስ ፍቅረ ዮሐንስ ሀብተ ሚካኤል፣ ዲያቆን ዮሐንስ ተ/ጻድቅ  ሲሆኑ ከሀገረ ስብከቱ ለብፁዕ ወቅዱስ ፓትርያርክ ልዩ ጽ/ቤት በተላከው ውሳኔ መሠረት ደመወዛቸው ተቀንሶ የተዛወሩት የሁለት ዋና ጸሐፊዎች ደመወዝ እንዲስተካከል፣ በመደበኛ ፍ/ቤት ክስ የመሠረቱ ክሳቸውን ዘግተው የይቅርታ ጽሑፍ ሲያቀርቡ በሥራ እንዲመደቡ፣ ቀላልና ከባድ ጥፋት የሚታይባቸው ሌሎች ሠራተኞች አድራጎታቸው እየተመረመረ እንደ ሁኔታው ሊፈጸም የሚችል መሆኑን በመግለጽ እና የሀገረ ስብከቱን የአስተዳደር ጉባኤ ውሳኔ በመደገፍ አፈጻጸሙ እንዲገለጽልን ይደረግ በማለት የብፁዕ ወቅዱስ ፓትርያርክ ልዩ ጽ/ቤት በቁጥር ል/ጽ/202/116/2009 በቀን 29/5/2009 ዓ.ም የተጻፈ መመሪያ አስተላልፏል፡፡ 
የአዲስ አበባ ሀገረ ስብከት ጽ/ቤትም ከብፁዕ ወቅዱስ ፓትርያርክ ልዩ ጽ/ቤት ጸድቆ የተላለፈለትን መመሪያ በመቀበል በዝውውር ሂደት ወቅት ደመወዝ የተቀነሰባችሁ ካላችሁ መረጃችሁን በማቅረብ እንዲስተካከል፣ በመደበኛ ፍርድ ቤት ክስ የመሠረታችሁ ክሳችሁን ዘግታችሁ የይቅርታ ጽሑፍ ስታቀርቡ በሥራ እንደምትመደቡ፣ ቀላልና ከባድ ጥፋት የሚታይባችሁ ሌሎች ሠራተኞች ጉዳያችሁ እየተመረመረ እንደ ሁኔታው እየታየ ይፈጸምላችኋል በማለት የግለሠቦቹን ስም ዘርዝሮ ግልጽ ማስታወቂያ አውጥቷል፡፡
በሌላ ዜና የአዲስ አድማስ ጋዜጣ ጥር 27 ቀን 2009 ዓ.ም ባወጣው ጽሑፍ ላይ በአዲስ አበባ ሀገረ ስብከት የደብረ ታምራት ዳግማዊት ጻድቃኔ ቅድስት ማርያም ቤተ ክርስቲያን ካህናትና ሠራተኞች ለተፈቀደላቸው የደመወዝ ጭማሪ ማጽደቂያ ለሀገረ ስብከቱ ኃላፊዎች የተሰጠው ብር 50,000 (ሃምሳ ሺህ ብር) ጉቦ እንዲመለስ ታዘዘ በሚል ለሀገረ ስብከቱ ኃላፊዎች ለዋና ሥራ አስኪያጅ እና ለሂሳብ እና በጀት ዋና ክፍል ኃላፊ ሳይሰጥ እንደተሰጠ አስመስሎ አስነብቧል፡፡
ይሁን እንጂ ቤተ ክርስቲያኗ ካላት ከማንኛውም ገቢ ላይ ለሀገረ ስብከቱ ጽ/ቤት 20% እንድትከፍል በቃለ ዐዋዲው በተደነገገው መሠረት ከደብሩ የተላከው ብር 50,000 (ሃምሳ ሺህ ብር) የፐርሰንት ክፍያ እንጂ ጉቦ አለመሆኑን በመግለጽ እና ገንዘቡ ወደ ባንክ የገባበትን የባንክ ደረሰኝ ፎቶ ኮፒ በማያያዝ የአዲስ አበባ ሀገረ ስብከት በቁጥር 1185/546/2009 በቀን 02/06/2009 ዓ.ም በተጻፈ ደብዳቤ የአዲስ አድማስ ጋዜጣ ዝግጅት ክፍል ይሄንን ገልጾ ማስተባበያ እንዲጽፍ አሳስቦታል፡፡

 
በዓለ አስተርእዮ

አስተርእዮ፡- ቃሉ ግእዝ ነው አስተርእዮ ማለትም መገለጥ፣ መታየት ማለት ነው፡፡
በግሪክ ቋንቋ ኤጲፋንያ ይባላል ኤጲፋንያ ማለትም መገለጥ፣መታየት፣ማለት ነው አሁን ያለንበት ዘመን ዘመነ አስተርዕዮ ይባላል የመገለጥ፣ የመታየት ዘመን ማለት ነው፡፡
ጌታችን አምላካችን መድኃኒታችን ኢየሱስ ክርስቶስ ከእመቤታችን ከቅድስት ድንግል ማርያም ከሥጋዋ ስጋ ከነፍሷ ነፍስ ነስቶ ሰው ሆኖ የተገለጠበት ዘመን ስለሆነ እና እንዲሁም በጥምቀቱ አንድነቱን ሦስትነቱን የገለጠበት ዘመን በመሆኑ ዘመነ አስተርእዮ፡- የመገለጥ፣ የመታየት ዘመን ተብሏል፡፡
የሰላም አምላክ ኢየሱስ ክርስቶስ ለምን ተጠመቀ? የተጠመቀበት አምስት ምክንያቶች አሉ እነሱም እንደሚከተለው ተገልጸዋል፡፡
1.አንድነቱን ሦስትነቱን ለመግለጽ ነው፡- /በማቴዎስ ወንጌል ም. 3፡13-17/ እንደተጻፈው ጌታችን አምላካችን መድኃኒታችን ኢየሱስ ክርስቶስ በእደ ዮሐንስ በፈለገ ዮርዳኖስ ሲጠመቅ እግዚአብሔር አብ “ዝንቱ ውእቱ ወልድየ ዘአፈቅር” (የምወደው ልጄ እርሱ ነው) ሲል ከሰማይ ተናግሯል፡፡
እግዚአብሔር መንፈስ ቅዱስ ደግሞ በርግብ አምሳል በራሱ ላይ ተቀምጧል፡፡ በዚህም አንድነቱን ሦስትነቱን ገልጧል፡፡
2.የተነገረውን ትንቢት ለመፈጸም ነው፡፡ ከትንቢቶቹ አንዱን ለአብነት ያህል እንጠቅሳለን “ባሕርኒ ርዕየት ወጎየት ወዮርዳኖስኒ ገብአ ድኅሬሁ አድባር አንፈርአዱ ከመ ሐራጊት” (ባሕርም አየች ሸሸችም ዮርዳኖስም ወደኋላው ተመለሰ ተራሮችም እንደ ጊደሮች ዘለሉ)፡፡ (መዝ. 113፡3)
3.የዕዳ ደብዳቤ አችንን ለመቅደድ ነው፡፡  የክፋት እና የተንኮል ምንጭ የሆነው ጠላታችን ዲያብሎስ አዳምና ሔዋንን መከራውን እንዳቀልላችሁ ስመ ግብርናታችሁን ጽፋችሁ ስጡኝ አላቸው፡፡ ይህም ማለት የእኔ አገልጋይ መሆናችሁን የሚገልጽ ጽሑፍ ስጡኝ ማለት ነው እነርሱም በእውነት መከራውን የሚያቀልላቸው መስሏቸው ጽፈው ሰጡት ጽሑፉም “አዳም ገብሩ ለዲያብሎስ ሔዋን ዓመቱ ለዲያብሎስ” የሚል ነው፡፡ ይህም ማለት አዳም የዲያብሎስ አገልጋይ ነው ሔዋን የዲያብሎስ አገልጋይ ናት ማለት ነው፡፡ ይህንንም በሁለት የድንጋይ ሠሌዳ ላይ ጽፈው ሰጡት አንዱን በዮርዳኖስ፣ አንዱን በሲኦል ጣለው በዮርዳኖስ የጣለውን የዕዳ ደብዳቤአችንን ጥር 11 ቀን የሰላም አምላክ ኢየሱስ ክርስቶስ በጥምቀቱ ደምስሶልናል አጥፍቶልናል፡፡
በሲኦል የጣለውን ደግሞ በዕለተ አርብ በስቅለቱ በሞቱ ደምስሶልናል አጥፍቶልናል “በእኛ ላይ የነበረውን የሚቃወመንንም በትእዛዛት የተጻፈውን የዕዳ ጽሕፈት ደመሰሰው እርሱንም በመስቀል ጠርቆ አስወግዶታል” (ቆላስ 2፡14)
ታላቁ ሊቅ ቅዱስ ኤፍሬምም ይህንን መሠረት በማድረግ በደረሰው የእመቤታችን ምስጋና ላይ “ወሠጠጠ መጽሐፈ ዕዳሆሙ ለአዳም ወለሔዋን” የአዳም እና የሔዋንን የዕዳ ደብዳቤ ቀደደ፣ ደመሰሰ፣ አጠፋ፣ ሲል ተናግሯል፡፡
4.ጥምቀትን ለእኛ ለመባረክ ነው፡፡ ለእኛ አብነት ለመሆንና ከአምስቱ አእማደ ምስጢር በአንዱ በምስጢረ ጥምቀት ልጅነትን እንድናገኝ ለማድረግ ነው፡፡
5.ትሕትናን ለእኛ ለማስተማር ነው፡፡ ይህም በአገልጋዩ በቅ/ዮሐንስ እጅ መጠመቁ ነው፡፡ መድኃኒታችን ኢየሱስ ክርስቶስ የተጠመቀበት አምስት ምክንያቶች ከላይ ከ1-5 ተራ ቁጥር የተዘረዘሩት ናቸው፡፡
አምላካችን ኢየሱስ ክርስቶስ ለምን በ30 ዘመኑ ተጠመቀ? ቢሉ አዳም በተፈጠረ በ30 ዘመኑ ልጅነቱን አስወስዷል አምላካችን ኢየሱስ ክርስቶስም ይህንን ልጅነት ለመመለስ በተመሳሳይ ዘመን በ30 ዘመኑ ተጠምቋል፡፡
መድኃኒታችን ኢየሱስ ክርስቶስ ለምን በውኃ ተጠመቀ? እኛም በውኃ እንድንጠመቅ ለምን አዘዘ?
የሰላም ንጉሥ መድኃኒታችን ኢየሱስ ክርስቶስ በውኃ የተጠመቀበት፣እኛም በውኃ እንድንጠመቅ ያዘዘበት ምክንያት ብዙ ነው፡፡ ለአብነት ያህል ውኃን ድሃውም ሀብታሙም በቀላሉ ያገኘዋል ለድሃውም ለሃብታሙም እኩል ነው በዚህ መሠረት ፈጣሪያችን ኢየሱስ ክርስቶስ ሁላችንም መንግሥተ ሰማያትን እንድንወርስ ስለሚፈልግ በውኃ እንድንጠመቅ አዘዘ፡፡ እርሱም በውኃ ተጠመቀ፡፡
ያለ ጥምቀት መዳን የለም “ያመነ የተጠመቀ ይድናል ያላመነ ያልተጠመቀ ግን ይፈረድበታል፡፡ (ማር. 16፡16)
“አማን አማን እብለከ ዘኢተወልደ ዳግመ እማይ ወእመንፈስ ቅዱስ ኢይክል  በዊአ ውስተ መንግሥተ እግዚአብሔር” (እውነት እውነት እልሃለሁ ሰው ዳግመኛ ከውኃና ከመንፈስ ቅዱስ ካልተወለደ ወደ እግዚአብሔር መንግሥት ይገባ ዘንድ አይችልም) (ዮሐ. 3÷5) ሲል የእውነት አምላክ መድኃኒታችን ኢየሱስ ክርስቶስ ለኒቆዲሞስ በነገረው መሠረት ያለ ጥምቀት የእግዚአብሔርን መንግሥት ለመውረስ አይቻልም፡፡ ወንዶች በተወለዱ በ40 ቀን ሴቶች በ80 ቀን የሚጠመቁበት ምክንያት፡-
1ኛ አዳም በተፈጠረ በ40 ቀኑ ሔዋን በተፈጠረች በ80 ቀኗ ቅድስት ሥላሴ ብርሃን አልብሰው ብርሃን አጎናጽፈው ገነት አስገብተዋቸዋል ይህን መሠረት በማድረግ ዛሬ ወንዶች በተወለዱ በ40 ቀናቸው ሴቶች በተወለዱ በ80 ቀናቸው ይጠመቃሉ (ኩፋ 4÷9-13)
2ኛ በብሉይ ኪዳን ወንድ ልጅ በተወለደ በ40 ቀኑ ሴት ልጅ በተወለደች በ80 ቀኗ ወደ እግዚአብሔር ቤት ይገቡ ነበር (ዘሌዋ.12÷1-5) ይህን መሠረት በማድረግ ዛሬ ወንዶች በተወለዱ በ40 ቀናቸው ሴቶች በተወለዱ በ80 ቀናቸው ይጠመቃሉ፡፡
በ40፣ በ80 ቀን የምንጠመቅበት ውኃ፡- በግእዝ ማየ ገቦ ይባላል ማይ ውኃ፤ ገቦ ጎን ነው ማየ ገቦ፡- አምላካችን ኢየሱስ ክርስቶስ በዕለተ ዓርብ ሲሰቀል ከጎኑ የፈሰሰው ውኃ ነው በቄሱ ጸሎት ውኃው ወደ ማየ ገቦነት ይለወጣል፡፡ በዚህ ተጠምቀን ከሥላሴ ተወልደናል፤ ልጅነትን አግኝተናል፤ክርስቲያንም ተብለናል፤ ክርስቲያን የሚለውን ስም ያገኘነው በጥምቀት ነው፡፡ ክርስቲያን ማለት ትርጉሙ በአብ በወልድ በመንፈስ ቅዱስ ስም የተጠመቀ ማለት ነው፡፡ እንዲሁም በክርስቶስ ክርስቲያን ተብለናል፡፡ በዚህ መሠረት የክርስቲያኖችን ሥራ ሠርተን መገኘት አለብን የክርስቲያኖች ሥራ፤ ሕገ እግዚአብሔርን፣ ትእዛዘ እግዚአብሔርን መጠበቅ ነው “ብትወዱኝስ ትእዛዜን ጠብቁ” (ዮሐ. 14፡15) ብሎ አምላካችን በቅዱስ ወንጌል በተናገረው መሠረት ትእዛዙን መጠበቅ አለብን የክርስቲያኖች ሥራ ይህ ነው፡፡ ትእዛዙን ካልጠበቅን ወዳጆቹ አይደለንም ብትወዱኝስ ትእዛዜን ጠብቁ ብሏልና በረከተ ሥጋ በረከተ ነፍስ እንድናገኝ ትእዛዙን እንጠብቅ፡፡
ሕጉን ትእዛዙን ጠብቀን በማየ ንስሐ ታጥበን ቅዱስ ሥጋውን ክቡር ደሙን ተቀብለን በእመቤታችን በቅድስት ድንግል ማርያም አማላጅነት እንዲሁም በቅዱሳን አማላጅነት መንግሥተ ሰማያትን እንድንወርስ ልዑል እግዚአብሔር ወሰን በሌለው ቸርነቱ ይርዳን፡፡ ወስብሐት ለእግዚአብሔር
(ላዕከ ወንጌል በእደ ማርያም ይትባረክ (ቀሲስ)የአዲስ አበባ ሀገረ ስብከት የትምህርት ሥርጭት ኃላፊ)

 
ትምህርተ ሃይማኖት ዘቅድስት ሥላሴ

ለክርስትና ሃይማኖት መሠረቱ ማእከሉና መደምደሚያው ምሥጢረ ሥላሴ እንደሆነ ይታወቃል ምክንያቱም ከቅድስት ሥላሴ አንዱ አካል እግዚአብሔር ወልድ ከቅድስት ድንግል ማርያም ከሥጋዋ ሥጋን ከነፍሷም ነፍስን ነሥቶ ሰው ከሆነ በኋላ የሥላሴ አንድነትና ሦስትነት የታወቀና የተረዳ ሆኖ በመገኘቱ ነው፡፡ ይህም በዚህ በልደት እና በጥምቀት ሰሞን በቂ ትምህርት ሊሰጥበት የሚገባ ነው፡፡
እግዚአብሔር ወልድ ከቅድስት ድንግል  ማርያም ሰው ሆኖ በሥጋ  ከመወለዱ በፊት የቅድስት ሥላሴ አንድነታውና ሦስትነታቸው በግልጥ የታወቀና የተረዳ ባለመሆኑ ሰዎች ስለ ሥላሴ አንድነትና ሦስትነት የነበራቸው እውቀት በጣም ውሱን በመሆኑ ምክንያት በብሉይ ኪዳን ውስጥ ስለአንድነታቸውና ሦስትነታቸው የተነገሩ ጥቅሶችን በአግባቡ ሊተረጉሟቸውና ምሥጢራቸውንም ሊረዱ እንዳልቻሉ መገንዘብ ይቻላል ከዘመን ሥጋዌ በኋላ ግን ምሥጢሩ ለሁሉም ግልጥ ሆኖ ታውቋል፡፡
በመሠረቱ ስለ እግዚአብሔር አንድነትና ሦስትነት የሚሰጠው ትምህርት ረቂቅ ከመሆኑ የተነሣ የፍጡር አእምሮ በቀላሉ ሊረዳው የማይችል ቢሆንም ራሱ እግዚአብሔር በቃሉ የገለጠው እውነተኛ ምሥጢር በቅዱሳት መጻሕፍት ውስጥ ተጽፎ ስለሚገኝ በዚሁ መሠረት ክርስቲያኖች እውነተኛውን ምሥጢር በመምህራን አማካይነት እየተረዱ እምነታቸውን አጽንተው መኖር ችለዋል፣ይህም ታላቅ ምሥጢር ‹‹ ምሥጢረ ሥላሴ ›› በመባል የሚታወቅ ሲሆን በክርስትና ሃይማኖት ተከታዮች ዘንድ ጸንቶ የሚኖር ነው፡፡ ምክንያቱም ከክርስትና ሃይማኖት ልዩነት ያላቸው ሃይማኖቶች ሁሉ እግዚአብሔር አንድ ገጽ አንድ አካል ብቻ እንደሆነ ሲያስተምሩ የክርስትና ሃይማትኖት ግን እግዚአብሔር በአንድነትና በሦስትነት የነበረ፣ያለና፣ የሚኖር መሆኑን የሚያስተምር በመሆኑ ነው፡፡
የአሕዛብ ሃይማኖትም ብዙ አማልእክት እንዳሉ ሲያስተምር የክርስትና ሃይማኖት ግን እግዚአብሔር በሦስትነት ቢገለጥም አንድ አምላክ እንጂ ሦስት አማልእክት አለመሆኑን የሚያስተምርና ይህንኑ የሚያረጋግጥ ስለሆነ ነው፡፡ ከዚህም ጋር ሌሎች የሃይማኖት ተከታዮች እግዚአብሔር አካላዊ ያልሆነ ዝርው ኃይል እንደሆነ ሲያስተምሩ የክርስትና ሃይማኖት ተከታታዮች ግን እግዚአብሔር ረቂቅ (መንፈስ) ቢሆንም በፈቀደ ጊዜ በፈቀደው መንገድ ለወደደው ፍጥረት መገለጥ የሚችል አካላዊ መንፈስ እንደሆነ ያምናሉ ያስተምራሉም፡፡
እግዚአብሔር በባሕርይ፣በመለኮት፣በአገዛዝ፣በሥልጣን በመፍጠርና በመሳሰለው ሁሉ አንድ እንደሆነ በቅዱሳት መጻሕፍት የተመሰከረና የታወቀ እውነት ነው፡፡ ይህንንም እውነት በሚከተሉት ጥቅሶች መረዳት ይቻላል፡፡
‹‹እስራኤል ሆይ ስማ አምላካችን እግዚአብሔር አንድ እግዚአብሔር ነው አንተም አምላክህን በፍፁም ልብህ፣ በፍጹም ነፍስህ፣ በፍፁም ኃይልህ ውደድ (ዘዳ 6፣4)፡፡
‹‹ሁሉን በሁሉ የሚያደርግ እግዚአብሔር ግን አንድ ነው፡፡ (1ኛ ቆሮ 12፣6)፡፡ በእነዚህንና እነዚህን በመሳሰሉ ጥቅሶች ስለ እግዚአብሔር አንድነት ማወቅና መረዳት ይቻላል፡፡
ከላይ በተገለጠውና በተጠቀሰው መሠረት እግዚአብሔር አንድ ነው ቢባልም በስም፣በአካል፣በግብር ሦስት እንደሆነ በቅዱሳት መጻሕፍት የተመሰከረና በክርስትና ሃይማኖት ተከታዮች ዘንድ የታመነ ነው፡፡ ይህም የስም ሦስትነት አብ፣ወልድ፣መንፈስ ቅዱስ በመባል ይታወቃል፡፡ ስለሆነም አብ አብ እንጂ ወልድ ወይም መንፈስ ቅዱስ ተብሎ አይጠራም ወልድም ወልድ እንጂ አብ ወይም መንፈስ ቅዱስ አይባልም መንፈስ ቅዱስም አብ ወይም ወልድ ተብሎ አይጠራም ሦስቱም ግን እግዚአብሔር በሚለው ስም ይጠሩበታል (ዮሐ 1÷1-3፣የሐዋ ሥራ 20÷28)፡፡
አብ፣ወልድ፣መንፈስቅዱስ ለየራሳቸው ፍጹም አካል ፍጹም መልክ አላቸው ግብራቸውም በቅዱሳት መጻሕፍት መሠረትነት ሊቃውንተ ቤተክርስቲያን  እንደሚያስረዱን፡- የአብ ግብሩ መውለድና ማሥረጽ ነው፡፡ የወልድም ግብሩ መወለድ ነው፣የመንፈስ ቅዱስም ግብሩ መሥረጽ ነው፡፡
ሦስትነትን በተመለከተም በሚከተሉትና በሌሎችም ጥቅሶች  መረዳት ይቻላል ለምሳሌ እግዚአብሔር ራሱ ሲናገር እንዲህ ይላል፡፡
‹‹ ሰውን በመልካችን፣በምሳሌያችን እንፍጠር›› (ዘፍ 1÷26)
‹‹ ሰው ብቻውን ይኖር ዘንድ መልካም አይደለምና ረዳት እንፍጠርለት››(ዘፍ 2÷18)
‹‹ አዳም ከእኛ እንደ አንዱ ሆነ›› (ዘፍ 3÷22)፡፡
‹‹ ኑ እንውረድ አንዱ የአንዱን ነገር እንዳይሰማው ቋንቋቸውን በዚያ እንደባልቀው›› (ዘፍ11÷17)፡፡
‹‹የጌታም ድምጽ ማንን እልካለሁ ማንስ ይሄድልናል ሲል ሰማሁ፣እኔም እነሆኝ፣እኔን ላከኝ አልሁ››(ኢሳ 6÷8-9)፡፡ እንዚህ ጥቅሶች የእግዚአብሔርን የአካል
ሦስትነት ያመለክታሉ፡፡ ቢሆንም ከአንድ በላይ የሆነ ቁጥርን ያመለክታሉ እንጂ በሦስትነት የተወሰነ ቁጥርን አያሳዩም የሚል አስተሳሰብ ሊኖር ይችላል ይሁን እንጂ በሁለት ያልሆኑ ከሦስትም በላይ የማይሆኑ በሦስት ብቻ የተወሰኑ ጥቅሶች ከቅዱሳት መጻሕፍት ውስጥ ስለሚገኙ በእነሱ ማስረጃነት ስለቅድስት ሥላሴ ሦስትነትና አንድነት በሚገባ ልንረዳ እንችላለን፡፡ ለምሳሌም ያህል የሚከተሉት ጥቅሶች ሦስት፣ሦስት ጊዜ ተደጋግመው መነገራቸው  በቂ ማስረጃዎች ናቸው
‹‹ እኔ እግዚአብሔር የአብርሃም አምላክ፣የይስሐቅ አምላክ፣የያእቆብ አምላክ ነኝ (ዘዳ 3÷6)፡፡ በትንቢተ ኢሳይያስም እንደተገለጠው መላእክት፡-
‹‹ቅዱስ፣ቅዱስ፣ቅዱስ የሠራዊት ጌታ እግዚአብሔር ምድር ሁሉ ከክብሩ ተሞልታለች---›› በማለት ሲያመሰግኑ ተሰምተዋል (ኢሳ 6÷3) በሌላም በኩል አብርሃም በድንኳኑ ደጃፍ ተቀምጦ ሳለ እግዚአብሔር በመምሬ ዛፍ በተገለጠለት ጊዜ፡- ‹‹ዓይኑንም አነሣና እነሆ ሦስት ሰዎች በፊቱ  ቆመው አየ፣ ባያቸውም ጊዜ  ሊቀበላቸው ከድንኳኑ ተነሥቶ ሮጠ፣ወደ ምድርም ሰገደ›› የሚለው ዓረፍተ ነገር ሦስትነቱን፣‹‹አቤቱ በፊትህ ሞገስ አግኝቼ እንደሆነ ባሪያህን አትለፈኝ ብዬ እለምንሃለሁ››የሚለው ደግሞ አንድነቱን፣‹‹ጥቂት ውኃ ይምጣላችሁ›› እግራችሁንም ታጠቡ ከዚህችም  ዛፍ በታች እረፉ፣ቁራሽ እንጀራ ላምጣላችሁ ልባችሁን ደግፉ፣ ከዚያም በኋላ ትሄዳላችሁ›› የሚለው አረፍተ ነገርም እንደገና ሦስትነቱን የሚገልጥ ነው፡፡ (ዘፍ 18÷1-5)፡፡
በብሉይ ኪዳን መጻሕፍት ስለ እግዚአብሔር የስም፣የአካል እና፣የግብር ሦስትነት የተነገረው ሁሉ በሐዲስ ኪዳን መጻሕፍት ግልጥና ትክክል የሆነ ትርጉም አግኝቶአል፡፡ ለምሳሌ ከሦስቱ አካላት አንዱ አካል እግዚአብሔር ወልድ ሰው ሆኖ ከድንግል ማርያም በድንግልና ከተወለደ በኋላ በ30 ዓመቱ በአጥማቂው ዮሐንስ እጅ በማየ ዮርዳኖስ በተጠመቀ ጊዜ እግዚአብሔር አብ በደመና ውስጥ የምወደው ልጄ ይህ ነው›› ሲል ተሰምቷል፡፡ እግዚአብሔር መንፈስ ቅዱስም በአምሳለ ርግብ በራሱ ላይ ሲያርፍ ታይቷል (ማቴ3÷15-17)፡፡
ከትንሣኤውም በኋላ‹‹እንግዲህ ሂዱና አህዛብን ሁሉ በአብ፣በወልድና፣በመንፈስ ቅዱስ ስም አጥምቋቸው››(ማቴ 28÷19)፡፡በማለት ለደቀ መዛሙርቱ የሰጠው ትእዛዝም ትልቅ ማረጃ ነው፡፡ ሐዋርያው ቅዱስ ጳውሎስም ‹‹የጌታችን የኢየሱስ ክርስቶስ ጸጋ፣ የእግዚአብሔር ፍቅር የመንፈስ ቅዱስም አንድነት ከሁላችን ጋር ይሁን››
(2ኛ ቆሮ 13÷14)፡፡ ሲል ያስተማረው ይህንኑ መሠረት በማድረግ ስለሆነ በእነዚህና እነዚህን በመሳሰሉ ጥቅሶች እየተረዳን ስለ እግዚአብሔር አንድነትና ሦሰትነት  ያለንን ዕውቀት የበለጠ በማዳበር  እምነታችንን ልናፀና ይገባል፡፡
አባቶቻችን ሊቃውንትም የብሉያትንና የሐዲስ ኪዳናትን ትምህርት መሠረት በማድረግ የእግዚአብሔር አንድነትና ሦስትነት በትምህርት ብቻ ሳይወሰን በዘወትር ጸሎትም ውስጥ እነዲገባና ሰው ሁሉ በዚሁ እምነት ውስጥ ሆኖ እንዲጸልይ አድርገዋል፡፡ በዚህም መሠረት የዘወትር ጸሎታችን መጀመሪያው፡- ‹‹ በስመ አብ ወወልድ ወመንፈስ ቅዱስ አሐዱ አምላክ ›› የሚል ሲሆን ይህም ከላይ የተገለጠውን በማቴዎስ ወንጌል  ምዕ 28÷19-20 ያለውን መሠረት ያደረገ ነው፡፡ ቀጥሎም ሦስት መቶ አሥራ ስምንቱ ሊቃውንተ ቤተክርስቲያን በወሰኑት ጸሎተ ሃይማኖት‹‹ሁሉን በያዘ ሰማይና ምድርን፣የሚታየውንና የማይታየውን በፈጠረ በአንድ አምላክ በእግዚአብሔር አብ እናምናለን፣ዓለም ሳይፈጠር ከእርሱ ጋር በነበረ የአብ አንድ ልጅ በሚሆን በኢየሱስ ክርስቶስም እናምናለን ጌታ ማሕያዊ በሚሆን ከአብ በሠረጸ በመንፈስ ቅዱስ እናምናለን›› የሚሉት አነቀፆች በጸሎታችን ውስጥ እንዲገቡ  አድርገዋል ፡፡ እነዚህም አንቀፆች አንድነትና ሦስትነትን መግለጥ ብቻ ሳይሆን  የአብን፣የወልድን፣የመንፈስ ቅዱስን ግብራቸውን ጭምር የሚያሳውቁ ናቸው፡፡
እንደገናም ‹‹እንዘ አሐዱ ሠለስቱ ወእዘ ሠለስቱ አሐዱ፣ይሤለሱ በአካላት ወይትዋሐዱ በመለኮት›› ማለት አንድ ሲሆን ሦስት፣ሦስት፣ሲሆኑ አንድ ናቸው፣  በአካል ሦስት ይሆናሉ፡፡ በመለኮትም አንድ ይሆናሉ፡፡ የሚለው ሐረግ ቅዱሳት መጻሕፍትን መሠረት ያደረገና ስለ ሥላሴ አንድነትና ሦስትነት ያለንን ግንዛቤ የበለጠ የሚያጠናክር ስለሆነ ጸሎት በጸለይን ቁጥር ልናጤነውና ልብ ልንለው ይገባል፡፡ ከዚህምጋር የሥላሴ ሦስትነታቸው በአንድነታቸው የማይጠቃለል፣አንድነታቸው፣ በሦስትነታቸው፣የማይከፋፈል፣ሆኖ፣በስም፣በአካል፣በግብር፣ሦስት፣በመለኮት፣በሥልጣንና በፈቃድ አንድ አምላክ እንደሆኑ በጥልቀት ልናውቅና ልንረዳ ያስፈልጋል፡፡
ሊቀ ብርሃናት ኢሳይያስ ወንድምአገኘሁ

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 8 ከ 102

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ