መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://www.addisababa.eotc.org.et/site/components/com_gk2_photoslide/images/thumbm/590538kidste_mariam.jpg http://www.addisababa.eotc.org.et/site/components/com_gk2_photoslide/images/thumbm/895720giorgis.jpg http://www.addisababa.eotc.org.et/site/components/com_gk2_photoslide/images/thumbm/903816bole_medhaniealem.jpg http://www.addisababa.eotc.org.et/site/components/com_gk2_photoslide/images/thumbm/683566trinity.jpg http://www.addisababa.eotc.org.et/site/components/com_gk2_photoslide/images/thumbm/821897entoto_mariam.jpg http://www.addisababa.eotc.org.et/site/components/com_gk2_photoslide/images/thumbm/310283meskaye_1.jpg http://www.addisababa.eotc.org.et/site/components/com_gk2_photoslide/images/thumbm/904160BEATA_MARIAM.jpg http://www.addisababa.eotc.org.et/site/components/com_gk2_photoslide/images/thumbm/578084urael.jpg http://www.addisababa.eotc.org.et/site/components/com_gk2_photoslide/images/thumbm/812647gebrie_gedam.jpg http://www.addisababa.eotc.org.et/site/components/com_gk2_photoslide/images/thumbm/681179raguel.jpg
ብፁዕ ወቅዱስ አቡነ ማትያስ ቀዳማዊ ፓትርያርክ ዘኢትዮጵያ በሕንድ ኬሬላ ለስድስት ቀናት ያደረጉትን ሐዋርያዊ ጉብኝት አጠናቅቀው ተመለሱ

                                                                                                  በመምህር ሙሴ ኃይሉ

p033

ከአምስቱ አኀት አብያተ ክርስቲያናት መሪዎች መካከል አንዱ የሆኑት የሕንድ ማላንካራ ኦርቶዶክስ ቤተ ክርስቲያን ቅዱስ ፓትርያርክ ካቶሊኮስ ባስልዮስ ማርቶማ ጳውሎስ ዳግማዊ የህንድን ቤተ ክርስቲያን እንዲጎበኙ ለብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ባደረጉላቸው ጥሪ መሠረት ጎብኝተዋል፡፡
ቅዱስ ፓትርያርኩ ኬሬላ አየር ማረፊያ ሲደርሱም የሕንድ ኦርቶዶክስ ቤተ ክርስቲያን ሊቀ ጳጳሳት፣ በሕንድ የኢትዮጵያ አምባሳደር የሆኑት ክቡር አቶ አሰፋው ዲንጋሞና የኤምባሲው ሠራተኞች በሕንድ ከሚኖሩ ኢትዮጵያን ጋር በመሆን ደማቅ አቀባበል አድርገውላቸዋል፡፡
በመቀጠልም የሕንድ ኦርቶዶክስ ቤተ ክርስቲያን ፓትርያርክ ካቶሊኮስ ከብፁዓን ሊቃነ ጳጰሳት ጋር በመሆን ደማቅ የሆነ ይፋዊ የእንኳን ደህና መጣችሁ አቀባበል አድርገውላቸዋል፡፡
የሕንድ ማላንካራ ኦርቶዶክስ ቤተ ክርስቲያን ቅዱስ ፓትርያርክ ካቶሊኮስ ባስልዮስ ማርቶማ ጳውሎስ ዳግማዊ በአቀባበሉ ባስተላለፉት መልእክታቸው በዋናነት ብፁዕ ወቅዱስ አቡነ ማትያስ የሕንድን ቤተ ክርስቲያን እንዲጎበኙ ለረጅም ጊዜ ሲመኙ የነበረ መሆኑን በመግለጽ የቅዱሳን ፓትርያርኮች ጉብኝት ከአብያተ ክርስቲያናቱ በተጨማሪ የሁለቱንም ሀገሮች ሕዝቦች ሁለንተናዊ ግንኙነት ወደ ተሻለ ደረጃ የማድረስ አቅም እንዳለው በስፋት አብራርተዋል፡፡
በመቀጠልም የኢትዮጵያና የሕንድ ኦርቶዶክሳውያን አብያተ ክርስቲያናት አንድ ዓይነት ትምህርተ ሃይማኖት የሚከተሉ፣ ከጥንት ጀምሮ ተከባብረውና ተፈቃቅረው የሚኖሩ መሆናቸውን ጠቅሰው ይህ ታሪካዊ የብፁዕ ቅዱስ አቡነ ማትያስ ፓትርያርክ ጉብኝትም የቆየውን ግንኙነት ወደ ተሻለ ትብብርና ስምምነት የሚያሸጋግር መልካም አጋጣሚ መሆኑን አስረድተዋል፡፡
ብፁዕ ወቅዱስ አቡነ ማትያስ ፓትርያርክ ዘኢትዮጵያ በበኩላቸው ከቀደምት አብያተ ክርስቲያናት መካከል ከሆነችውና በሐዋርያው ቅዱስ ቶማስ የተመሠረተችውን የሕንድ ኦርቶዶክስ ቤተ ክርስቲያንን ለመጎብኘት በመብቃታቸው የተሰማቸውን መንፈሳዊ ደስታ ገልጸው ከሁለቱም አብያተ ክርስቲያናት በተጨማሪ ኢትዮጵያንና ሕንድን ብዙ የሚያመሳስላቸው ነገሮች መኖራቸውን፣ የቋንቋና የብሔር ብሔረሰብ ብዝኅነትንና በፍቅር ተስማምቶ የመኖር ዕሴቶቻቸውን እንደ ምሳሌ በመጥቀስ ሰፊ ማብራሪያ ሰጥተዋል፡፡ የኢትዮጵያና የሕንድ በፍቅርና በመተሳሰብ ላይ የተመሠረተ ግንኙነትም ቅድመ ልደተ ክርስቶስ ከአክሱም ዘመነ መንግሥት ጀምሮ የቆየ መሆኑን ታሪካዊ ገለጻ ካደረጉ በኋላ ብዙ ሕንዳውያን ለሥራ በኢትዮጵያ ሲኖሩ እንደቤታቸው ሆነው መኖራቸው፤ እንዲሁም ብዙ ኢትዮጵያውያን ተማሪዎች ለጥናትና ምርምር ሕንድን መምረጣቸው የቆየው የሁለቱንም ሀገሮች የመልካም ግንኙነት ተምሳሌታዊ ምስክር መሆኑን ገልጸው ስለተደረገላቸው አቀባበልም ከፍተኛ ምስጋና አቅርበዋል፡፡
በሕንድ የኢትዮጵያ አምባሳደር የሆኑት አቶ አሰፋ ዲንጋሞ የእንኳን ደህና መጣችሁ ንግግር ያደረጉ ሲሆን በንግግራቸው ትኩረት የሰጡት የሁለቱም ኦርቶዶክሳውያን አብያተ ክርስቲያናት ግንኙነት ጥንታዊ መሆኑንና ይህ መልካም የሃይማኖት ግንኙነትም የሁለቱም ሕዝቦች ግንኙነት በመተማመን እና በመተባበር ላይ የተመሠረተ እንዲሆን ማስቻሉን ታሪካዊ ክስተቶችን ጠቅሰው መልእክት አስተላልፈዋል፡፡ አያይዘውም የብፁዕ ወቅዱስ አቡነ ማትያስ ፓትርያርክ ዘኢትዮጵያ ሐዋርያዊ ጉብኝት የቆየውን የመንግሥት ለመንግሥት መልካም ግንኙነት ከማጠናከር በተጨማሪ በሕዝብ ለሕዝብ ግንኙነት ግንባር ቀደም ጠቀሜታ እንደሚኖረው አስታውቀዋል፡፡
ብፁዕ ወቅዱስ አቡነ ማትያስ ፓትርያርክ በሕንድ ኦርቶዶክስ ቤተ ክርስቲያን ለስድስት ቀናት ባደረጉት ጉብኝት አንድ ዓለም አቀፍ የካንሰር ሕሙማን መርጃ ሆስፒታልን ጨምሮ በርካታ በቤተክርስቲያኗ የተሠሩ የልማት ተቋማትን ባርከው በመክፈት ተዘዋውረውም ጎብኝተዋል፡፡ ሁለቱም ፓትርያርኮች ባደረጉት ውይይትም በሁለቱም ጥንታውያን አብያተ ክርስቲያናት ሁለተናዊ ግንኙነት መጠናከር ዙርያ በስፋት ከተወያዩ በኋላ ብፁዕ ወቅዱስ አቡነ ማትያስ ፓትርያርክ ለሕንድ ቤተ ክርስቲያን ፓትርያርክ ካቶልኮስ ባስልዮስ ማርቶማ ጳውሎስ ደግማዊ በሀገራችን የሚከበረውን የመስቀል ደመራ በዓል አከባበር ምክንያት በማድረግ በመስከረም 16 ቀን 2010 ዓ.ም ኢትዮጵያን እንዲጎበኙ ያቀረቡላቸውን ግብዣ በደስታ መቀበላቸውን ገልጸዋል፡፡
ፓትርያርኩ በቆይታቸው እጅግ በጣም ብዙ ሕዝብ ተሰብስቦ በሚከበርባቸው ዓበይት በዓላት ላይ ተገኝተው መልእክት ያስተላለፉ ሲሆን በቅዱስ ፓትርያርኩ የተመራው የቤተ ክርስቲያኒቷ የቅዱስ ሲኖዶስ ልዑክ በሕንድ ያደረጉትን ቆይታ አጠናቅቀው አዲስ አበባ ገብተዋል፡፡
ቅዱስነታቸው አዲስ አበባ ሲደርሱ ለጋዜጠኞች በሰጡት መግለጫ ጉብኝቱ የተሳካና ውጤታማ የሆነ፣ የሁለቱን አብያተ ክርስቲያናት ግንኙነት የተጠናከረ እንዲሆን ከፍተኛ አስተዋፅኦ የሚያደርግ እንደነበር ገልጸዋል፡፡

 
የአዲስ አበባ ሀገረ ስብከት በ2008 ዓ.ም የበጀት ዓመት ባስመዘገበው ከፍተኛ የፐርሰንት ገቢ እድገት ልዩ ተሸላሚ መሆኑ ተገለጸ!!

20090

በኢትዮጵያ ኦርቶዶክስ ተዋሕዶ ቤተ ክርስቲያን የአዲስ አበባ ሀገረ ስብከት በ2008 ዓ.ም የበጀት ዓመት በርዕሰ ከተማው ከሚገኙት ገዳምትና አድባራት በሰበሰበው የላቀ የፐርሰንት ገቢ እድገት በ2009 ዓ.ም በተካሄደው 35ኛ መደበኛ የሰበካ መንፈሳዊ ጉባኤ ላይ ልዩ ተሸላሚ መሆኑ ተረጋግጧል፡፡
ሀገረ ስብከቱ በ2007 ዓ.ም ካስመዘገበው የፐርሰንት ገቢ የብር 30 ሚሊዮን ብልጫ በማሳየት ልዩ ተሸላሚ ለመሆን በቅቷል፡፡

ሀገረ ስብከቱ በ2008 ዓ.ም የበጀት ዓመት በመልካም አስተዳደር፣ በልማትና በፐርሰንት ገቢ አሰባሰብ ከወትሮው በተሻለ ሁኔታ የላቀ እድገት ያስመዘገበ በመሆኑ የተነሳ ከብፁዕ ወቅዱስ ፓትርያርኩ እጅ የምስክር ወረቀት እና ከሰባት ያላነሱ ዘመናዊ ኮምፒውተሮች ተሸልሟል፡፡
በሽልማት የተባረኩት ሰባት ዘመናዊ ኮምፒውተሮች በርእሰ ከተማው ለሚገኙት ሰባት የከፍላተ ከተማ ቤተ ክህነት ጽ/ቤቶች አገልገሎት እንዲሰጡ ለማድረግ የታሰበ መሆኑን የኢትዮጵያ ኦርቶዶክስ ተዋሕዶ ቤተ ክርስቲያን ዋና ሥራ አስኪያጅ ብፁዕ አቡነ ዲዮስቆሮስ በጉባኤው ለተገኘው ተሰብሳቢ በይፋ አብራርተዋል፡፡ 
የሀገረ ስብከቱ ዋና ሥራ አስኪያጅ መምህር ጎይተኦም ያይኑ ለተሰብሳቢው ባቀረቡት ሪፖርት እንዳብራሩት በ2009 ዓ.ም የበጀት ዓመት ሀገረ ስብከቱ የላቀ የፐርሰንት ገቢ እድገት፣ የመልካም አስተዳደር እና የልማት እድገት በሀገረ ስብከቱ ዓመታዊ መሪ እቅድ እንደተመዘገበ አብራርተዋል፡፡

 
"የመስቀሉ ነገር ለሚጠፉት ሞኝነት ለእኛ ለምንድን ግን የእግዚብሔር ኃይል ነው" 1ኛ. ቆሮ. 1÷18

መስቀል፡- ምስጢራዊ ትርጉሙ መከራ ማለት ነው፡፡ ጌታችን አምላካችን መድኃኒታችን ኢየሱስ ክርስቶስ በቅዱስ ወንጌል ‹‹ዘኢጾረ መስቀለ ሞትየ ኢይክል ይጸመደኒ›› (የሞቴን መስቀል የማይሸከም ይከተለኝ ዘንድ አይችልም) /ማቴ. 16÷24/ ሲል የተናገረው ቃል መስቀል መከራ መሆኑን የሚገልጽ ነው፡፡ 
ጌታችን አምላካችን መድኃኒታችን ኢየሱስ ክርስቶስ በመስቀል ላይ ከተሰቀለ በኋላ ሕሙማን መስቀሉን እየዳሰሱ በመስቀሉ እየታሹ ይፈወሱ ነበር፡፡ በዚህ በመስቀሉ በሚደረገው ተአምራት እየተሳቡ ብዙዎች ክርስቲያን ሆኑ፡፡ ይህንን ያዩ አይሁድ መስቀሉን ቀበሩት ለሦስት መቶ ዓመታት ተቀብሮ ቆየ፡፡ በአራተኛው መቶ ክፍለ ዘመን በ327 ዓ.ም የንጉሥ ቆስጠንጢኖስ እናት ንግሥት ዕሌኒ ይህን ታሪክ ትሰማ ነበርና መስቀሉን አስቆፍራ ለማስወጣት ወደ ኢየሩሳሌም ሄደች፡፡ እዚያም ደርሳ ጉብታ የሆነውን ሁሉ ብታስቆፍር መስቀሉ ያለበትን አላገኘችውም፡፡ ሰውም ብትጠይቅ የሚያውቅላት አላገኘችም በመጨረሻ ግን የመስቀሉ መውጣት የእግዚአብሔር ፈቃዱ ነበርና አንድ ኪራኮስ የሚባል ሽማግሌ የዕሌኒን መቸገር አይቶ እንደሚከተለው ይመክራታል፡፡ እንጨት አሰብስበሽ ከምረሽ ዕጣን አፍሺበት በእሳትም አያይዢው የዕጣኑ ጢስ ወደላይ ወጥቶ ወደታች ሲመለስ መስቀሉ ያለበትን ቦታ ሰው በጣት ጠቅሶ እንደሚያሳይ ያመለክትሻል አላት፡፡ እርሷም ያላትን ሁሉ አደረገች፡፡ የዕጣኑ ጢስ ወደላይ ወጥቶ መስቀሉ የተቀበረበትን ቦታ አሳያት ይህንንም አስመልክቶ መሠረተ ቤተ ክርስቲያን ቅዱስ ያሬድ በዜማ ድርሰቱ ‹‹ዘዕጣን አንጸረ ሰገደ ጢስ›› (የዕጣኑ ጢስ መስቀሉ ያለበትን ቦታ አሳየ) ሲል ተናግሯል፡፡ ወዲያው ማስቆፈር ጀመረች ስታስቆፍር ቆይታ መጋቢት 10 ቀን መስቀሉ ከተቀበረበት ቦታ ወጥቷል፡፡
በዚህ መሠረት መስቀልን የምናከብርበት ምክንያት ጌታችን አምላካችን መድኃኒታችን ኢየሱስ ክርስቶስ ተሰቅሎ ዓለምን ስላዳነበትና በክቡር ደሙ ያከበረው በመሆኑ ነው፡፡
መስቀል በብሉይ ኪዳን ብዙ ምሳሌ አለው የኖኅ መርከብ የተሠራችበት እንጨት፣ የሙሴ በትር የመስቀል ምሳሌዎች ናቸው፡፡ ብርሃነ ዓለም ቅዱስ ጳውሎስ ‹‹ከጌታችን ከኢየሱስ ክርስቶስ መስቀል ሌላ ትምክህት ከእኔ ይራቅ›› /ገላ. 6÷14/ ሲል የተናገረው የመስቀሉን ክብርና ኃይል የሚገልጽ ነው፡፡
በአገራችን ክርስቲያኖች በግንባራቸውና በሌላውም አካላቸው በመስቀል ቅርጽ ይጠቆራሉ እንዲሁም ልብሳቸው ላይ በጥልፍ የመስቀል ቅርጽ ያደርጋሉ፡፡ ይህ ሁሉ የሚያመለክተው ክርስቲያኖች ለመስቀሉ ልባዊ ፍቅር ያላቸው መሆኑን ነው፡፡ መስቀል በሕይወተ ሥጋ ሳለን ብቻ ሳይሆን ከሞትንም በኋላ ከእኛ አይለይም አጽማችን በሚያርፍበት በመቃብራችን ላይ ይደረጋል ይህም የትንሣኤያችን ምልክት ነው፡፡ ሐዋርያው ቅዱስ ጳውሎስ ‹‹ብዙዎች ለክርስቶስ መስቀል ጠላቶቹ ሆነው ይመላለሳሉና ብዙ ጊዜ ስለ እነርሱ አልኳችሁ አሁንም እንኳን እያለቀስኩ እላለሁ መጨረሻቸው ጥፋት ነው ሆዳቸው አምላካቸው ነው ክብራቸው በነውራቸው ነው አሳባቸው ምድራዊ ነው እኛ ግን አገራችን በሰማይ ነው፡፡ ፊልጵ. /3÷18-19/ በማለት የተናገረው ለመስቀሉ ትልቅ ፍቅር እንዲኖረን ነው፡፡ ለመስቀል መስገድ እንደሚገባ መጽሐፍ ቅዱሳዊ ማስረጃ አለ፡፡ ነቢየ እግዚአብሔር ዳዊት ‹‹ወንሰግድ ውስተ መካን ጎበ ቆመ እግረ እግዚእነ›› (እግሮቹ በሚቆሙበት ስፍራ እንሰግዳለን) /መዝ. 131÷7/ ሲል የተናገረው ለመስቀል መስገድ እንደሚገባ የሚገልጽ ነው፡፡ የሰላም ንጉሥ መድኃኔዓለም ክርስቶስ እኛን ለማዳን በመስቀል ላይ ሲሰቀል እግሮቹ ከመስቀሉ ጋር ተቸንክረዋል በዚህ መሠረት እግሮቹ በሚቆሙበት ስፍራ እንሰግዳለን ሲል ለመስቀሉ እንሰግዳለን ማለት ነው፡፡
በኦሪት ዘጸአት /14÷15-31/ እንደተጻፈው በሙሴ በትር፣ ድንቅ ድንቅ ተአምራት ተደርጓል በሙሴ በትር ተአምራት ከተደረገ አምላካችን በተሰቀለበት መስቀል እንዴት ተአምራት አይደረግ? በዚህ መሠረት መስቀል በቤተ ክርስቲያናችን ሕይወት ውስጥ ከፍተኛ ክብር አለው፡፡ መስቀል የድልና የነጻነት ምልክት ነው፡፡
‹‹የመስቀሉ ነገር ለሚጠፉት ሞኝነት ለእኛ ለምንድን ግን የእግዚአብሔር ኃይል ነው›› እንዳለ ቅዱስ ጳውሎስ በረከተ መስቀሉ የሚደርሳቸው ላመኑ ሰዎች እንጂ ላላመኑ አይደለም፡፡ ስለዚህ በረከተ መስቀሉ እንዲደርሰን ጽኑ እምነትን ገንዘብ እናድርግ፡፡
ጽኑ እምነትን ገንዘብ አድርገን ሕጉን ትእዛዙን ጠብቀን በእመቤታችን በቅድስት ድንግል ማርያም አማላጅነት እንዲሁም በቅዱሳን አማላጅነት ሀገረ ሕይወት መንግሥተ ሰማያትን እንድንወርስ ልዑል እግዚአብሔር ወሰን በሌለው ቸርነቱ ይርዳን፡፡ ወስብሐት ለእግዚአብሔር

(ላዕከ ወንጌል በእደ ማርያም ይትባረክ (ቀሲስ) የአዲስ አበባ ሀገረ ስብከት የትምህርት ሥርጭት ኃላፊ)

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 10 ከ 102

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ